Latin · ~3 min
Act 3, lines 3.3.433c-3.3.446
Terence, Adelphi 3.3.433c-446
Not analysed yet
Nam quid tu hic agas,
Ubi si quid bene praecipias nemo obtemperet?
Ego vero hinc abeo, quando is quamobrem huc veneram
Rus abiit: illum curo unum: ille ad me attinet.
Quando ita vult frater, de istoc ipse viderit.
Sed quis illic est procul quem video? estne hic Hegio,
Tribulis noster? si satis cerno, is hercle est: vah,
Homo amicus nobis iam inde a puero. Di boni!
Nae illiusmodi iam nobis magna civium
Penuria est: homo antiqua virtute ac fide.
Haud cito mali quid ortum ex hoc sit publice.
Quam gaudeo ubi etiam huius generis reliquias
Restare video! Ah, vivere etiam nunc libet.
Opperiar hominem hic, ut salutem et conloquar.