Latin · ~2 min
Act 4, lines 4.5.704b-4.5.713
Terence, Adelphi 4.5.704b-713
Not analysed yet
Abi pater:
Tu potius Deos comprecare; nam tibi eos certo scio,
Quo vir melior multo es quam ego, obtemperaturos magis.
Ego eo intro ut quae opus sunt parentur: tu fac ut dixi, si sapis.
Quid hoc est negoti! Hoc est patrem esse? aut hoc est filium esse?
Si frater aut sodalis esset, qui magis morem gereret?
Hic non amandus? hicine non gestandus in sinu est? hem!
Itaque adeo magnam mili iniecit sua commoditate curam
Ne forte imprudens faciam quod nolit: sciens cavebo.
Sed cesso ire intro ne morae meis nuptiis egomet siem?