Latin · ~4 min
Act 5, lines 5.3.835-5.3.855
Terence, Adelphi 5.3.835-855
Not analysed yet
Attentiores sumus ad rem omnes quam sat est:
Quod illos sat aetas acuet.
Ne nimium modo
Bonae tuae istae nos rationes, Micio,
Et tuus iste animus aequus, subvertant.
Tace:
Non fiet: mitte iam istaec: da te hodie mihi:
Exporge frontem.
Scilicet, ita tempus fert;
Faciendum est: caeterum rus eras cum filio
Cum primo lucu .
Immo de note censeo;
Hodie modo hilarum fac te.
Et istam psaltriam
Una illuc mecum hinc abstraham.
Pugnaveris.
Eo pacto prorsum illic alligaris filium:
Modo facito ut illam serves.
Ego istuc videro:
Atque illi favillae plena, funi, ac pollinis,
Coquendo sit faxo, et molendo: praeter haec
Meridie ipso faciam ut stipulam colligat:
Tam excoctam reddam atque atram quam carbo est.
Placet:
Nunc mihi videre sapere; atque equidem filium
Tum etiam si nolit cogam ut cum illa una cubet.
Derides? fortunatus qui istoc animo sies.
Ego sentio—
Ah, pergisne?
Iam iam desino.
I ergo intro, et cui rei est ei rei hunc sumamus diem.