Latin · ~1 min
Book 3, Chapter 4
Valerius Maximus, Facta et Dicta Memorabilia 3.4.3
Not analysed yet
In Tullio uero fortuna praecipue uires suas ostendit, uernam huic urbi natum regem dando. cui quidem diutissime imperium obtinere, quater lustrum condere, ter triumphare contigit. ad summam autem unde processerit et quo peruenerit statuae ipsius titulus abunde testatur seruili cognomine et regia appellatione perplexis.