Section 7

Ἐν μὲν οὖν ὀνόμαϲι τὸ τίϲ μόνον ἐγκλίνεται καὶ αἱ τούτου πτώϲειϲ καὶ τὰ ἰϲοδυναμοῦντα τούτῳ, ὅτε ἀοριϲτωδῶϲ ἐκφέρεται, οἷον ἦλθέ τιϲ, ἐλάληϲέ τιϲ, ἐν οἷϲ καὶ πάντοτε ὑποτακτικόν ἐϲτι. τὸ μὲν οὖν τίϲ ἐγείρει ἐν τῷ εἰ μέν τιϲ τὸν ὄνειρον (Β 80), τινόϲ μή τινοϲ, τινί οὔ τινι κοιμηθεῖϲα (Hesiod. Theog. 213), τινά καί τινα Τρωϊάδων (Ϲ 122), τινέϲ οἵτινεϲ ἀνέρεϲ εἶεν (Od. ι 89), τινάϲ οὕϲτιναϲ αὖ μεθιένταϲ ἴδοι (Δ 240). ἰϲοδυναμεῖ δὲ τῷ μὲν τινόϲ τὸ τεῦ ἀλλ’ οὔ τευ οἶδα. τῷ δὲ τινί τὸ τῷ οἷον οὔτε ϲοὶ οὔτέ τῳ ἄλλῳ (Α 299). τὸν δὲ κατὰ φύϲιν τόνον ἔχοντα πυϲματικὰ γίνονται· τίϲ τίνοϲ τίνι τίνα.