Ancient Greek · ~2 min
Book 6
ANTHOLOGIA GRAECA, Ἀνθολογία, Volume V 6.221
Not analysed yet
χειμερίην διὰ νύκτα, χαλαζήεντά τε συρμὸν
καὶ νιφετὸν φεύγων καὶ κρυόεντα πάγον,
μουνολέων, καὶ δὴ κεκακωμένος ἀθρόα γυῖα,
ἦλθε φιλοκρήμνων αὖλιν ἐς αἰγινόμων.
οἱ δʼ οὐκ ἀμφʼ αἰγῶν μεμελημένοι, ἀλλὰ περὶ σφέων,
εἵατο σωτῆρα Ζῆνʼ ἐπικεκλόμενοι.
χεῖμα δὲ θὴρ μείνας, θὴρ νύκτιος, οὔτε τινʼ ἀνδρῶν
οὔτε βοτῶν βλάψας, ᾠχετʼ ἀπαυλόσυνος.
οἱ δὲ πάθης ἔργον τόδʼ ἐϋγραφὲς ἀκρολοφίτᾳ
Πανὶ παρʼ εὐπρέμνῳ τᾷδʼ ἀνέθεντο δρυΐ;