Ancient Greek · ~2 min
Lyric-Scene 3, lines 3.1-3.4
Aristophanes, Θεσμοφοριάζουσαι 3.1-2-4
Not analysed yet
τουτὶ μέντοι θαυμαστόν,
ὁπόθεν ηὑρέθη τὸ χρῆμα,
χἤτις ἐξέθρεψε χώρα
τήνδε τὴν θρασεῖαν οὕτω.
τάδε γὰρ εἰπεῖν τὴν πανοῦργον
κατὰ τὸ φανερὸν ὧδʼ ἀναιδῶς
οὐκ ἂν ᾠόμην ἐν ἡμῖν
οὐδὲ τολμῆσαί ποτʼ ἄν.
ἀλλʼ ἅπαν γένοιτʼ ἂν ἤδη·
τὴν παροιμίαν δʼ ἐπαινῶ
τὴν παλαιάν· ὑπὸ λίθῳ γὰρ
παντί νου χρὴ
μὴ δάκῃ ῥητωρ ἀθρεῖν.
ἀλλʼ οὐ γάρ ἐστι τῶν ἀναισχύτων φύσει γυναικῶν
οὐδὲν κάκιον εἰς ἄπαντα πλὴν ἄρʼ εἰ γυναῖκες.