Ancient Greek · ~1 min
Ode 2 Τῷ Αὐτῷ
Bacchylides, Ἐπίνικοι Ode 2 Τῷ Αὐτῷ
Not analysed yet
ἄ[ϊξεν ἁ] σεμνοδότειρα Φήμα
ἐς Κέον ἱεράν, χαριτώ-
νυμον φέρουσʼ ἀγγελίαν,
ὅτι μ[άχ]ας θρασύχειρος Ἀρ-
γεῖος ἄρατο νίκαν·
καλῶν δʼ ἀνέμνασεν, ὅσʼ ἐν κλεεννῷ
αὐχένι ϝισθμοῦ ζαθέαν
λιπόντες Εὐξαντίδα νᾶ-
σον ἐπεδείξαμεν ἑβδομή-
κοντα σὺν στεφάνοισιν.
καλεῖ δὲ Μοῦσʼ αὐθιγενὴς
γλυκεῖαν αὐλῶν καναχάν,
γεραίρουσʼ ἐπινικίοις
Πανθείδα φίλον υἱόν.