Ancient Greek
Choral 2
Euripides, Ἴων 2.2
Not analysed yet
σέ τοι, τὸν παρὰ ναὸν αὐ-
δῶ· θέμις γυάλων ὑπερ-
βῆναι, λευκῷ ποδί γʼ —;
οὐ θέμις, ὦ ξέναι.
οὐδʼ ἂν
ἐκ σέθεν ἂν πυθοίμεθʼ αὐδάν;
τίνα τήνδε θέλεις;
ἆρʼ ὄντως μέσον ὀμφαλὸν
γᾶς Φοίβου κατέχει δόμος;
στέμμασί γʼ ἐνδυτόν, ἀμφὶ δὲ Γοργόνες.
οὕτω καὶ φάτις αὐδᾷ.
εἰ μὲν ἐθύσατε πέλανον πρὸ δόμων
καί τι πυθέσθαι χρῄζετε Φοίβου,
πάριτʼ ἐς θυμέλας· ἐπὶ δʼ ἀσφάκτοις
μήλοισι δόμων μὴ πάριτʼ ἐς μυχόν.
ἔχω μαθοῦσα· θεοῦ δὲ νόμον
οὐ παραβαίνομεν,
ἃ δʼ ἐκτός, ὄμμα τέρψει.
πάντα θεᾶσθʼ, ὅ τι καὶ θέμις, ὄμμασι.
μεθεῖσαν δεσπόται
με θεοῦ γύαλα τάδʼ εἰσιδεῖν.
δμῳαὶ δὲ τίνων κλῄζεσθε δόμων;
Παλλάδι σύνοικα τρόφιμα μέλα-
θρα τῶν ἐμῶν τυράννων·
παρούσας δʼ ἀμφὶ τᾶσδʼ ἐρωτᾷς.