ΛΟΓΟΣ ς., Chapter 19

Ἀμμώνιος “μὲν γὰρ Χριστιανὸς ἐν Χριστιανοῖς ἀνατραφεὶς τοῖς “γονεῦσιν, ὅτε τοῦ φρονεῖν καὶ τῆς φιλοσοφίας ἥψατο, “εὐθὺς πρὸς τὴν κατὰ νόμους πολιτείαν μετεβάλετο, “Ὠριγένης δὲ Ἕλλὴν ἐν Ἕλλησι παιδευθεὶς λόγοις “πρὸς τὸ βάρβαρον ἐξώκειλε τόλμημα· ᾧ δὴ φέρων “αὑτόν τε καὶ τὴν ἐν τοῖς λόγοις ἕξιν ἐκαπήλευσε, “κατὰ μὲν τὸν βίον Χριστιανῶς ζῶν καὶ παρανόμως, “κατὰ δὲ τὰς περὶ τῶν πραγμάτων καὶ τοῦ θείου “δόξας ἑλληνίζων καὶ τὰ Ἑλλήνων τοῖς ὀθνείοις ὑπο- “βαλλόμενος μύθοις.