Ancient Greek · ~4 min
Book 4, Chapter 1
Eusebius Scr. Eccl. et Theol., Vita Constantini 4.1.1
Not analysed yet
Τοσαῦτα πράττων βασιλεὺς ἐπ᾿ οἰκοδομῇ καὶ εὐδοξίᾳ τῆς ἐκκλησίας Τοῦ θεοῦ, πάντα τε πρὸς εὔφημον ἀκοὴν τῆς τοῦ σωτῆρος Διδασκαλίας ἐκτελῶν, οὐδὲ τῶν ἐκτὸς κατωλιγώρει πραγμάτων, κἀν Τούτοις δ᾿ ἐπαλλήλους καὶ συνεχεῖς ὁμοῦ πᾶσι τοῖς κατ᾿ ἔθνος οἰκοῦσι παντοίας διετέλει παρέχων εὐεργεςίας, ὧδε μὲν κοινὴν πρὸς ἅπαντας ἐνδεικνύμενος πατρικὴν κηδεμονίαν, ωδε δὲ τῶν αὐτῷ γνωριζομένων ἕκαστον διαφόροις τιμῶν ἀξιώμασιν, πάντα τε τοῖς πᾶσι μεγαλοψύχῳ διανοίᾳ δωρούμενος, οὐδ᾿ ἠν σκποῦ διαμαρτεῖν τινα παρὰ βασιλέως χάριν αἰτοῦντα, οὐδέ τις ἐλπίσας ἀγαθῶν τυχεῖν τοῦ προσδοκηθέντος ἠστόχησεν, 2ἀλλ᾿ οἱ μὲν χρημάτων, οἱ δὲ πτημάτων Περιουςίας ἐτύγχανον, ἄλλοι ὑπαρχικῶν ἀξιωμάτων, οἱ δὲ συγκλήτου Τιμῆς, οἱ δὲ τῆς τῶν ὑπάτων, πλείους δ᾿ ἡγεμόνες ἐχρημάτιζον, κομήτων Δὲ οἱ μὲν πρώτου τάγματος ἠξιοῦντο, οἱ δὲ δευτέρου, οἱ δὲ Τρίτου, διασημοτάτων θ᾿ ὡσαύτως καὶ ἑτέρων πλείστων ἄλλων ἀξιωμάτων μυρίοι ἄλλοι μετεῖχον· εἰς γὰρ τὸ πλείονας τιμᾶν διαφόρους ἐπενόει βασιλεὺς ἀξίας.