Volume 17a

μῶν, ὥστε καὶ νῦν εὔλογον ἦν ὀλεθριώτατον αὐτὸ γενέσθαι προσλαβὸν τῇ συμφύτῳ κακοηθείᾳ τὴν ἐκ τῆς καταστάσεως. εἴρηται δ' ἱκανῶς περὶ τῆς τοῦδε τοῦ πάθους γενέσεως, ἡνίκ' ἐξηγούμην τὴν ἀρχὴν τοῦ δευτέρου τῶν Ἐπιδημιῶν. τὰ δ' ἄλλα τῆς ῥήσεως δῆλα. Κοιλίαι ταραχώδεες, ἀπόσιτοι. Τοῦ καταρρυέντος ἐκ τῆς κεφαλῆς εἰς τὴν φάρυγγα μοχθηροῦ χυμοῦ τὸ μὲν εἰς τὸν πνεύμονα χωρῆσαν τὰς φθινώδεις εἰργάσατο διαθέσεις, τὸ δ' εἰς τὴν κοιλίαν ἐνεχθὲν ὑπῄει κάτω μετὰ δήξεως, ὅπερ ἐδήλωσεν εἰπὼν κοιλίαι ταραχώδεες. ἐν δὲ τῇ διόδῳ τὴν ὀρεκτικὴν τῶν σιτίων ἐκάκωσε δύναμιν τῆς γαστρὸς κἀντεῦθεν αἱ ἀποσιτίαι. |