Volume 19

ὀλερόν: δυσῶδες ἢ μέλαν, ἀπὸ τοῦ τῶν σηπιῶν ὄλου. ὀλισθράζοντα: ὀλισθαίνοντα. ὀλοκωνίτης: βοτάνη τις ἀγρία λαχανώδης. ὄλον: τὸ μέλαν τῆς σηπίας. ὀλώδεα: θολερὰ ἢ μέλανα. ὀλοφλυκτίδες: φλύκταιναι. ὀνεύεσθαι: ἤγουν δι' ὄνων ἐπιστροφῆς τείνειν. ὄνοι δὲ καὶ ὀνίσκοι οἱ ἄξονες. γράφεται δὲ κατονεύεσθαι. ὅπλα: κάλοι ἀπὸ στύπου ἢ λίνου ἢ καννάβεως. ὀπός: τοῦ σιλφίου κατ' ἐξοχὴν, ὥσπερ καὶ καυλός. καλεῖ δὲ σίλφιον τὴν ῥίζαν μόνην. ὀποῦ καρπόν: σιλφίου σπέρμα, ὅπερ καὶ φύλλον ἑνικῶς καὶ μαγύδαρις ὑπό τινων καλεῖται. ὀργάσασθαι: ἀναμίξαι, συγκεράσαι. ὀρθοπρίονι: τῇ χοινικίδι. ὀροκωνίτιδος: ἑτέρα γραφὴ τῆς ὀλοκωνίτιδος, περὶ ἧς ἔμπροσθεν εἴρηται. φησὶ δὲ Διοσκουρίδης τὴν ἐν ὄρει γενομένην ὀροκωνίτιδα ὀνομάζεσθαι.