Ancient Greek
Work 80_13
Scholia in Lucianum, Scholia in Lucianum (scholia vetera et recentiora Arethae) 13.1-2
Not analysed yet
πλαίσιον παράταξις ἐν τετραπλεύρῳ τῷ σχήματι. ταύτην δὲ ἐκτάσσουσιν, ὁπότε ὀλίγοι πρὸς πλείους διαγωνίζονται. ἐλπίζοντες γὰρ κυκλωθῆναι, ὡς ἂν ἔχωσι τῷ κυκλώματι πάντοθεν συναντᾶν τὰ πρὸς τὴν μάχην καὶ συνάπτειν ἐκ παντὸς μέρους, τρέψαντες αὑτοὺς ἀντιπροσώπους τῶν κυ10 κλούντων ἀπομάχονται νηλεὲς ἀμυνόμενοι ἦμαρ. ἐν τετραπλεύρῳ δὲ καὶ οὐκ ἐν κύκλῳ πρῶτον μέν, ἵνα τῇ ἐκτάσει τῶν πλευρῶν συμπαρατείνεσθαι ἀναγκάζοντες τοὺς κυκλοῦντας τὸν συνασπισμὸν αὐτῶν διακόπτοιεν τῷ διαλείποντι τῆς κυκλώσεως, εἶτα δὲ καὶ ταῖς γωνίαις τοῦ σχήματος, εἴ πῃ παρείκοι, διατέμνειν τὴν κύκλωσιν ἔχωσι καὶ κατ’ ὀλίγους ἀπολαμβάνοντες τοὺς κυκλοῦντας εὐχερέστερον κατεργάζωνται. ~SU