1.174 to 1.184

174 Βαϲταχθείη. ἀρθείη, κλαπείη. ὁ δὲ Λακύδηϲ ϲφραγιϲάμενοϲ διὰ τῆϲ ὀπῆϲ τὸν δακτύλιον ἐρρίπτει, ὡϲ μηδέποτε αὐτοῦ περιαιρεθείη καί τι βαϲταχθείη τῶν ἀποκειμένων. 175 Βάτα Κάροϲ: ἐπὶ τῶν παχέων καὶ δυνατῶν. κατὰ διαϲτολὴν δὲ ἀναγνωϲτέον. 176 Βατά. βάϲιμα. Ἀρριανόϲ· πάντα δὲ τῷ Ἀλεξάνδρῳ βατά τε καὶ ἐξαιρετέα εἶναι ἐδόκει. 177 Βάταλοϲ: βδελυρὸϲ, αἰϲχρόϲ. 178 Βάταλοϲ: οὕτωϲ ἐκλήθη ὁ Δημοϲθένηϲ νέοϲ ὢν, ὡϲ γυναικώδηϲ· γηράϲαϲ δὲ ἀργὰϲ, ἀπὸ ὄφεωϲ οὕτω καλουμένου. 179 Βαταναία: χώρα. 180 Βατταριϲμοί: φλυαρίαι. 181 Βατήρ: ἡ ἀρχὴ τοῦ τῶν πεντάθλου ϲκάμματοϲ. αὐτὸν κέκρουκαϲ τὸν βατῆρα τοῦ λόγου, φηϲί τιϲ. οἷον τὸ ἐπικαιρότατον καὶ τὸ πρῶτον. 182 Βατίϲ: εἶδοϲ ἰχθύοϲ. καὶ Βατιδοϲκόποι, οἱ ὀψοφάγοι. 183 Βαττολογία: ἡ πολυλογία. ἀπὸ Βάττου τινὸϲ, μακροὸϲ καὶ πολυϲτίχουϲ ὕμνουϲ ποιήϲαντοϲ, ταυτολογίαϲ ἔχονταϲ. 184 Βατόϲ: ὁ βάϲιμοϲ τόποϲ.