1.185 to 1.194

185 Γεραρόν: ἔντιμον ἢ πρεϲβύτερον. 186 Γέραϲ: ἀμοιβαὶ, τιμαὶ, ἀνταποδόϲειϲ. 187 Γεργέριμον: τὴν ἐν τῷ δένδρῳ πεπανθεῖϲαν ἐλαίαν. γεργέριμον πίτυρίν τε, καὶ ἣν ἀπεθήκατο λευκήν. τουτέϲτι τὴν ϲυνθλαϲθεῖϲαν καὶ οὕτωϲ ἀποτεθεῖϲαν ἐλάαν. εἰν ἁλὶ δὲ νήχεϲθαι φθινοπωρίδα· τὴν κολυμβάδα λέγει. 188 Γεργεϲαῖοϲ: ἀπὸ τόπου. καὶ Γεργεϲηνόϲ. 189 Γέργηθεϲ: ὄνομα πόλεωϲ. ἢ ἡ τύρβη, καὶ οἱ χειρώνακτεϲ οὕτω καλοῦνται παρὰ τοῖϲ Μιληϲίοιϲ τοῖϲ ἐν περιβολῇ, τουτέϲτι τοῖϲ Σ πλουϲίοιϲ. 190 Γέρδιοϲ: ὑφάντηϲ. καὶ παρ’ ἡμῖν ἡ γερδία. 191 Γεραιά: ἡ γραῦϲ. καὶ Γεραιαί, αἱ τῷ Διονύϲῳ ἱερώμεναι γυναῖκεϲ. 192 Γεραιόϲ. ἔντιμοϲ. καὶ ὁ ῥυτίδων ἀνάπλεωϲ. ἐν Ἔπιγράμμαϲι· ῥοιὴν ξανθοχίτωνα γεραιόφλοιά τε ϲῦκα. καὶ αὖθιϲ· ἧϲ ὁ γεραιὸϲ λαρότερον μαλακῶν ἔπνεεν ἐκ ϲτομάτων. 193 Γεραίρειν. τιμᾶν, δοξάζειν. καὶ Γέραιρε, δόξαζε, τίμα. καὶ παροιμία· Γέραιρε ϲαυτόν, ἀντὶ τοῦ εὔφραινε ϲαυτὸν μεγαλορρημονῶν. 194 Γεραιϲτόϲ: ὄνομα λιμένοϲ.