1.31 to 1.46

31 Βαθυγνώμων ἄνθρωποϲ καὶ κρυψίνουϲ. Ῥουφῖνοϲ καὶ Γλίχων ἐπίτροποι Θεοδοϲίου τοῦ βαϲιλέωϲ. 32 Βαθύγλωϲϲοι: ἐλλόγιμοι, εὔγλωττοι. 33 Βαθυδίνηϲ: ἐν βάθει ἔχων τὰ ῥεύματα. 34 Βαθυκαμπῆ: ἐπιπολὺ καμπτομένην. καὶ βαθυκαμπῆ κλεῖδα ϲυῶν. 35 Βαθυλήϊον: ϲιτοφόρον πεδίον. 36 Βαθυπέπλων: μεγάλων, ἐκ τοῦ παρακολουθοῦντοϲ. 37 Βαθύπλουτοϲ: πολὺν πλοῦτον ἔχουϲα. εὐδαίμονα καὶ βαθύπλουτον εἶναι τὴν Λαφρίαν Ἄρτεμιν. 38 Βαθυρρείτηϲ: ὁ βαθέα ῥεύματα ἔχων. 39 Βαθύϲ: ἀντὶ τοῦ πονηρόϲ. οὕτωϲ Μένανδροϲ. 40 Βαθύϲτρωτοϲ κοίτη. τὸν δὲ τῆϲ βαθυϲτρώτου καταβᾶϲα κοίτηϲ ἐπεδίωκεν ἡ νύμφη. ἀντὶ τοῦ πολυτελοῦϲ. 41 Βαθύϲχοινον: ὑψηλὰϲ ϲχοίνουϲ φέροντα. 42 Βαθύτατα: παχέα. Αἰλιανόϲ· αἰθρίαϲ γὰρ οὔϲηϲ καὶ πανηλίῳ ἡμέρᾳ ἄφνω καὶ ἀδοκήτωϲ νέφη ϲυνδραμεῖν οἷα δή που βαθύτατα καὶ καταρρῆξαι πάμπολυν ὑετόν. 43 Βακάντηϲ: ὁ ϲχετλιαϲτήϲ. 44 Βακάντιβοϲ: ϲχολαϲτὴϲ, μὴ παραμένων τῷ πράγματι αὐτοῦ. 45 Βακκαῖοι: ὥϲπερ Ἐϲϲαῖοι. ἔϲτι δὲ ἔθνοϲ Ἰβηρικόν. 46 Βάκηλοϲ: μέγαϲ μὲν, ἀνόητοϲ δὲ καὶ γυναικώδηϲ. Βάκηλοϲ, εὐνοῦχοϲ, ἀπόκοποϲ. καὶ παροιμία· Βάκηλοϲ εἶ, κατὰ τῶν ἐκλύτων καὶ ἀνάνδρων. τοιοῦτοι γὰρ οἱ ἀπόκοποι.