2.546 to 2.555

546 Διαδρομαί: ἐπὶ τῶν ἐπὶ παρατάξει κινημάτων. καὶ ἥ γε ἵπποϲ παρήλαϲε πρώτη εὐτάκτωϲ τε καὶ ϲὺν κόϲμῳ, εἶτα διῃρέθηϲαν καὶ ἀλλήλοιϲ ἀντιπρόϲωποι ϲτάντεϲ μαχομένων ϲχήματα ἐπεδείξαντο. κᾆτα ἐνόπλιοι διαδρομαί τινεϲ ἐγίνοντο καὶ ἐξελίξειϲ καὶ περίοδοι. 547 Διαζεύγνυμι· γενικῇ. 548 Διαζηλοτυπούμενοι: φθονερῶϲ διακείμενοι. οἱ δὲ διαζηλοτυπούμενοι πρὸϲ τὸν Σκιπίωνα ἐπεβάλοντο διαϲύρειν τὰϲ πράξειϲ αὐτοῦ. 549 Διάζομαι τὸν ϲτήμονα. 550 Διάζωμα: τὸ περὶ τὰ αἰδοῖα ϲκέπαϲμα. 551 Διαζωννύω· αἰτιατικῇ. 552 Διαείδεται: γνωρίζεται, φαίνεται. ἔνθʼ ἀρετὴ διαείδεται ἀνδρῶν, κατὰ τὸν ποιητήν· μᾶλλον δέ, ὅπου ζητεῖται τὸ μέγεθοϲ τῆϲ ἀρετῆϲ. 553 Διαήϲει: διαπέμψει. Διάηϲι δὲ διέρχεται. παῤ Ἡϲιόδῳ. 554 Διαθέουϲα: διατρέχουϲα. 555 Διαθέϲθαι: ἀντὶ τοῦ ἀποδόϲθαι.