Liber V., ι΄. Τῶν προκειμένων ἀγωγῶν ὑπόδειγμα.

Ἄλλη. Ἥλιος Ἄρης Ἀχροδίτη Λέων Σελήνη Ὑδροχόῳ. Κρόνος Κριῷ, Ζεὺς Ιχθύσιν, Ερμῆς Καρκίνρ, ώροσκόπος Παρθένῳ. τῷ κδ΄ ἔτει ἀπὸ νεκρικῶν ὠφελήθη καὶ φί ἔλων· τῷ κς΄ ἔτει γάμος καὶ ὠφέλεια γυναικός. τῷ κθ΄ ἔτει διὰ θάνατον ἀλλοτρίου δούλου καὶ πρόφασιν φαρμάκου πράγματα καὶ ταραχάς ἔσχηκεν· Κρόνος γὰρ Ἡλἰῳ Ἄρει Ἀφροδίτη ἐν τῷ περὶ δούλων τόπῳ οὗσι τὴν παράδοσιν ἐποιήσατο· ἔτυχε δὲ βοηθείας διὰ μειζόνων φιλίας ἀρρενικῶν τε καὶ θηλυκῶν. τῳ λα΄ ἔτει ἐξενίτευσε καὶ ἐπὶ τῆς ξένης ἡδέως μὲν καὶ ἐπωφελῶς κατʼ ἀρχάς διῆξεν, ὑστέρου δὲ φθείρας παιδίσκην ζηλοτυπίας καὶ ταραχάς ἔσχεν· ἦν γὰρ ἡ παράδοσις ἀφʼ Ἡλίου καὶ Ἀφροδίτης καὶ Ἄρεος ὄντων τῷ περὶ δούλων τόπῳ ἐπὶ Σελήνην καὶ ἀπὸ ὡροσκόπου ἐπὶ Δία τὸν γαμοστόλον. τῷ δὲ λγ΄ ἔτει κατεδικάσθη ὡς δοῦλον ἀπὸ νήσου ἐκβαλών, πλὴν τῇ καταδίκη φιλανθρωπίας μετέσχε διὰ τὴν ἀπὸ Ἑρμοῦ πρὸς Δία παράδοσιν. ἡ μέντοι συνοχὴ πρόδηλος ἐγένετο ἐκ τῆς σεληνιακῆς ἑξαγώνου στάσεως πρὸς Κρόνον, καθώς τοῖς πρότερον ἐδηλώσαμεν, ὁ δὲ χρόνος ἀπὸ Ἄρεος καὶ Ἡλίου εἰς τὸν αἰτιατικὸν τόπον γενόμενος, τουτέστι πρὸς Κρόνον, τὴν καταδίκην παρέσχε. τῷ δὲ με΄ ἔτει διὰ σπουδῆς μειζόνων προσώπων ὡς ἐπισινὴς ἀπελύθη· ἦν γάρ καὶ ἡ παράδοσις τοῦ τε πρώτου χρόνου καὶ τούτου συγκεκραμένη ἐξ ἀγαθοποιῶν καὶ κακοποιῶν. ἄλλως τε καὶ οἱ κακοποιοὶ ὑπὸ τῆς ἡλιακῆς ἀκτῖνος ἀφαιρετικοὶ καὶ ἀμαυρότεροι γεγόνασι καὶ εἰς ἀσθενεστέρους τόπους πεπράκασιν.