Latin
369
Bacon, Silva silvarum 369
Unproofread scanNot analysed yet
Inquire, an motus spirituum contrarius motui intento, idque immediate antequam in partem destinatam moveri incipiamus, spiritus vehementius impulsos prorumpere faciat; ut spiritus attractus &retentus expellitur vehementius. In projectione quoque, brachia retroaguntur, ut validior sit rotatio. Experimentum unicum spectans voluptates &offensiones sensuum, praecipue auditus. 700. Antea descripsimus musicos tonos &inaequales sonos, sed non ita exacte voluptates &offensiones sensuum. Soni tetrici, ut dum serra acuitur, contritio lapidis in lapidem, ejulatus, sonus streperus, horrore vel tremore corpus perfundunt, dentesque obtundunt. Ratio est, quia aurium objecta spiritus immediate plerumque aut grate afficiunt aut offendunt. Videmus, nullum dari colorem qui oculos valde offendat. Spectacula terroris plena, memoriae excitatae occurrunt talia, sed picta parum movent. Olfactus, gustus, tactus afficiuntur participatione aut impulsione corporis ab objecto. Solus est sonus qui nullo mediante neque corporeus sensum maxime ferit. Musica hujus rei fidem fecerit, vel in harmoniam placide temperata, vel dissonantiis aspera. Omnibus enim sonis seu elatis, seu obscuris ex suavitate rotunditas &aequalitas est, tetricis inaequalitas. Quid enim aliud dissonantia quam tetricus variarum vocum concursus.