Latin
commentarius.510.236 to commentarius.510.261
Benedict, Regula commentarius.510.236-261
Unproofread scanNot analysed yet
Benedicto librae panis pondus, et heminae vini mensuram sibi deferrent. Porro Romam, non Cassinum imperator mittere debuisset, si Romanam S. Benedicti libram, aut heminam admisisset. Missam a Theodemaro abbate imperatori libram statim post ejus obitum in omnibus monasteriis, haud dubium, recipi curavit synodus Aquisgranensis, statuens ut libra panis triginta solidis per duoderim denarios metiatur; et quidem antequam coquatur, ut praefert canonis titulus. Haec verba illis temporibus omnino perspicua, nostris valde obscura, plurimis divinandi occasionem tribuerunt. Nam Gazaeus in notis ad Cassiani lib. v, cap. 5, hunc canonem de pretio triginta solidorum intellexit, eique suffragatur Dadinus Alteserra Ascet. lib. v. Haeftenus de pondere quatuor librarum, hoc est quadragitna octo unciarum, uti se ipse explicat, fretus, seu potius illusus Theodemari verbis ad imperatorem scribentis: «Direximus quoque pondus quatuor librarum, ad cujus aequalitatem ponderis magis debeat fieri, qui in quaternos quadros singularum librarum, juxta sacrum Regulae textum, possit dividi; quando pondus, sicui ab ipso Patre est institutum, in hoc est loco repertum. »Accessit concilii Aquisgranensis anni 816 decretum, singulis canonicis quatuor panis libras assignans; et tres monialibus ex quo infert, non minorem monachis quantitatem panis concessam fuisse. Non defuerunt etiam qui solidos pro unciis interpretantes, praescriptam a consilio libram esse unciarum triginta asseruerint. Nicolaus Bravus fatetur concilii sensum assequi se non potuisse; sed interim Cassinensem libram unciarum triginta triuta cum dimidia uti legitimam admittit. Eamdem pro Benedictina agnoscere videntur Jacobus Brolius, monachus S. Germani… Pratis, in Supplemento Antiq. Paris. ,pag. 88, et Andreas Quercetanus in not. ad Bibliot. Cluniac. Difficultatis punctum attigit, sed divinando, vir doctissimos Antonius Yepezius: censuit quippe eam legem de pondere librae editam more Francorum, qui libram numericam viginti solidis computare solent; solidum vero duodecim denariis, quem eumdem computandi morem etiam in ponderibus olim adhibuerint.