Book 6, Chapter 31

Impetigines et quicquid scabiei est aceto et alumine defricantur. Nonnunquam, si haec permanent, paribus ponderibus mixtis nitro et scisso alumine cum aceto linuntur. Papulae ferventissimo sole usque eo strigile raduntur, quoad eliciatur sanguis. Tum ex aequo miscentur radices agrestis hederae,sulfurque et pix liquida cum alumine. Eo medicamine praedicta vitia curantur.