Latin · ~2 min
Lines 5.145-5.154
Maximianus, Maximiani Elegiarum Liber 5.145-154
Not analysed yet
tu cogis rabidas affectum discere tigres,
per te blandus amans redditur ipse leo.
mira tibi uirtus, mira est patientia: uictos
diligis et uinci tu quoque saepe uoles.
cum superata iaces, uires animosque resumis
atque iterum uinci, uincere rursus amas.
ira breuis, longa est pietas, recidiua uoluptas,
et cum posse perit, mens tamen una manet.
conticuit tandem longo satiata dolore:
me uelut expletis deserit exequiis.