Latin
PROP. VII. THEOR. VI
Newton, Optice 76
Unproofread scanNot analysed yet
Etenim in his Experimentis capiendis id observaveram, Imagines eorum duntaxat colorum distinctas apparere, qui vel in Axe Lentis, vel saltem non longe extra eum, essent positi: Adeo ut, cum Color caeruleus vel indicus in eo Axe situs esset, ipsorum imagines distincte discernere potuerim; eodem autem tempore color rubeus multo, quam ante, minus distinctus videretur. Quocirca id deinceps egi, ut, Colorum Imagine in brevitatem contracta, ambo ejus extrema propius jam ab Axe Lentis distarent. Jamque ejus Longitudo erat Unciarum circiter 2 1/, Latitudo autem circiter aut 3 unius Unciae. Porro, loco linearum nigrarum in quas Colores adhuc inciderant, unam jam lineam nigram prioribus latiorem duxi; quo facilius Imaginem ipsius discernerem: Eamque lineam brevibus transversis lineis in partes inter se aequales divisi, quibus Colores observati quo intervallo inter se distarent dimetirer. Quibus ita dispositis, poteram jam nonnunquam discernere Lineae hujusce Imaginem una cum divisionibus suis, ad usque Centrum fere Semicircularis Violaceae Extremitatis Imaginis. Quaeque jam deinde observaverim, hujusmodi erant. Cum observarem colorem rubeum extremum qui Sensu percipi posset, partemque Violacei eam, quorum correcta distantia inter se esset circiter partes longitudinis rectilineorum imaginis laterum: Differentia intervallorum quibus horum Colorum Foci a Lente distarent, erat uno tempore Unciarum 43, alio tempore 4 1/2, 523, respective.