Latin · ~2 min
Act 5
Plautus, Menaechmi 5.8
Not analysed yet
Men hodie usquam convenisse te, audax, audes dicere,
postquam advorsum mi imperavi ut huc venires?
Quin modo
erupui, homines quom ferebant te sublimen quattuor,
apud hasce aedis. tu clamabas deum fidem atque hominum omnium,
quóm ego accurro teque eripio vi pugnando ingratiis.
ob eam rem, quia te servavi, me amisisti liberum.
cum argentum dixi me petere et vasa, tu quantum potest
praecucurristi obviam, ut quae fecisti infitias eas.
Liberum ego te iussi abire?
Certo.
Quin certissimumst,
mepte potius fieri servom, quam te umquam emittam manu.