38 to 39

Ἀναδράμωμεν ἐπὶ τὸ προκείμενον, παραθέμενοι τὸ τύλη, ὅπερ οὐκ ἦν παρ’ Ἀττικοῖϲ· ἀλλὰ μέμνηται Ϲαπφὼ ἐν δευτέρῳ ἔγω δ’ ἐπὶ μαλθάκαν τύλαν καϲπολέω μέλεα καὶ ἀϲάμενον τύλᾳ καϲπολέω· οὐ γὰρ ὁ τέ ϲύνδεϲμοϲ. μύλη, πύλη, ϲύλη ἐν Ϲαμίων ὥροιϲ· «καὶ οὐδένα κατέδηϲεν ὧν τῆϲ ϲύληϲ μεταϲχεῖν ». μονῆρεϲ ἄρα τὸ φυλή ὀξυνόμενον. Ϲίνοϲ. τὰ εἰϲ νοϲ λήγοντα ἐπ’ εὐθείαϲ τῷ ι παραληγόμενα ϲυνεϲταλμένῳ οὐ θέλει οὐδέτερα εἶναι, οἶον πίνοϲ, λίνοϲ, ϲπίνοϲ, καὶ ϲπίνοϲ ἠῷα ϲπίζων καὶ ὄρνεα πάντα παρ’ Ἀράτῳ (Dios. 292). πῶϲ οὖν τὸ ϲίνοϲ οὐδετέρου γένουϲ ἔχεται; τὸ γὰρ κρίνοϲ ἐκ τοῦ κρίνον μεταπεποίηται.