Column 19

δὲ τοῦ γενικοῦ καὶ πλείστοις ὄντος παρακολουθοῦντος, οὗ χωρὶς οὐδὲ νοῆσαι δυνάμεθα τὸ κοινῶς ὄν, ἐπὶ τὸ γενικόν. ἡμῖν μὲν οὖν διαλεγόμενος ὁ Ζήνων καὶ λόγους τῶν ἀντιδοξαζόντων τοὺς ἐκκειμένους προεφέρετο καὶ τοιαύταις ἀπαντήσεσι πρὸς αὐτοὺς ἐχρῆτο· Βρόμιος δὲ τοιαῦτ' ἔφασκε πιστώματ' αὐτῶν καὶ συναντήματ' ἐκτίθεσθαι. πῶς ἀπὸ τῶν φαινομένων ἐπὶ τἀφανῆι μεταβήσηι; πότερον τὰ φανερὰ π αντ' ἐκπεριελθὼν ἤι τινα τούτων; εἴτε γὰρ τὸ πρότερον, οὐ δυνατὸν γενέσθαι τοῦτο· εἴτε τὸ δεύτερον, οὐδεὶς μὴ ποιῆται συντρεχόντων τινῶν τὴν τῶν σημείων σύνταξιν. ἐπεί τε τῶν ἀέρων εἰσὶν παραλλαγαὶ καὶ τρ ο φῶν καὶ συστάσεων φυσικῶν, πόθεν ο ὖ ν οὐκ ἂν εἴησαν παρὰ ταῦτά τινες καὶ ἄτρωτοι καὶ τοιαύτας ἄλλας ἐπιφερόμενοι διαφοράς; ἤτοι τε ἀπὸ τῶν προσφερομένων φύσιν καὶ δύναμιν ἀπαράλλακτον ποιήσει τὴν μετάβασιν ἢ ἀπὸ τῶν οὐχ ὁμοίας ἐχόντων; τὸ μὲν ἐκ τῶν ἀπαραλλάκτων ὁρμᾶσθαι τὸ σημειῶδες ο ὐκ ἴσχει· μόνον γὰρ ἀριθμῶι διαλλάξει. τὸ δ' ἀπὸ τῶν μὴ τοιούτων μεταβαίνειν πιστὸν οὐκ ἔσται διὰ τὴν προσοῦσαν παραλλαγήν. ἔτι τε ἤτοι τἀπεριφανῆ σ υνενπεριλαβὼμεν ἐρεῖς· ἐπεὶ πάντες εἰσὶν ἄνθρωποι τοῖς παρ' ἡμῖν ὅμοιοι καὶ κ αθό εἰσιν θνη