497 to 526

497 μέγα τι σθένος: νικηφορεῖ ἐν παντὶ πράγματι· ἢ οὕτως, ἀποφέρεται τὰς νίκας κατὰ πάντων καὶ πάσης κρατεῖ φύσεως· σθένος δὲ νίκης περιφραστικῶς τὴν νίκην. εἰκότως ὁ χορὸς τοιαύτην ἀρχὴν πεποίηται· πέπαυται γὰρ ὁ λόγος περὶ τοῦ ἔρωτος. γράφε μέγα τι σθένουσα. ἀποφέρεται. 499 ἀντὶ τοῦ παραβήσομαι· καὶ ὅσα μέν, φησίν, εἰς θεοὺς ἐνεδείξατο ὑπερβήσομαι. ἐγὼ παρεῖσα τὰ πολλὰ τὰ τέλη λέγω τῶν πραγμάτων. 501 τὸν τὸν ἐν σκότῳ διατρίβοντα. 503 ἀλλʼ ἐπὶ τάνδʼ ἄῤ ἄκοιτιν: τὴν Δηιάνειραν· ὁ δὲ νοῦς οὕτω, τὰ μὲν εἰς θεοὺς γεγονότα παρίημι ἐκεῖνα δὲ λέγω τίνες ἠγωνίσαντο περὶ τῶν γάμων Δηιανείρας καὶ κατέβησαν εἰς τὸν ἀγῶνα. 504 ἀμφίγυοι πρὸ γάμων κατέβαν: ἀντίπαλοι ἢ ἰσχυροὶ ἐν τοῖς γύοις, μαχεσάμενοι χερσὶ καὶ ποσίν· ἢ ἀμφότεροι τεθεωρημένοι ἢ ἄμφω παρωξυμμένοι. 506 ἐξῆλθον ἄεθλα: ἀντὶ τοῦ διήνυσαν, ἐπεξῆλθον, ἠγωνίσαντο· λέγει δὲ ὅτι πᾶν εἶδος ἀγωνίσματος κατʼ ἀλλήλων ἐνεδείξαντο. ἄεθλʼ| ἀγωνίσματα· πάμπληκτα δὲ πληγῶν μεστά. 507 τετρασκελοῦς. 508 φάντασμα, σχῆμα. 509 ἀπ᾿ Οἰνειαδᾶν: ἀπὸ Αἰτωλίας· ἢ οὕτως, Οἰνίαι πόλις Ἀκαρνανίας διʼ ἦς ῥεῖ ὁ Ἀχελῷος· πληθυντικῶς δὲ λέγεται. 510 τῆς τὸν Βάκχον ἐχούσης· καλῶς δὲ τὸ Βακχείας πρὸς ἀντιδιαστολήν. 512 ἀφʼ ἱστορίας φησὶ λόγχην ἔχειν τὸν Ἡρακλέα. 513 ἀολλεῖς: καταχρηστικῶς εἶπεν ἐπὶ δύο τὸ ἀολλεῖς· ἐπὶ πλήθους γὰρ λέγεται· ἢ ἀολλεῖς ἀντὶ τοῦ λίαν ἀλέντες· Ὅμηρος οἴμησεν δὲ ἀλείς. 514 ἐπιθυμοῦντες. 515 μόνη δὲ Κύπρις παροῦσα ἐβράβευεν καὶ διέταττεν. 517 τότε οὖν ὁ Ἡρακλῆς καὶ χερσὶ καὶ τόξοις ἐμάχετο, ὁ δὲ Ἀχελῷος τοῖς κέρασιν. 519 ἀναμεμιγμένως. 520 ἦν| Ἡσίοδος τῆς δʼ ἦν τρεῖς κεφαλαὶ ἀντὶ τοῦ ὑπῆρχον. ἦν δὲ ἀμφίπλεκτοι |κλίμακες: κλίμακες αἱ ἐπαναβάσεις παρὰ τὸ ἄνω τε καὶ κάτω αὐτοὺς στρέφεσθαι ἐν τῇ μάχῃ· ἔστι δὲ εἶδος παλαίσματος ἡ κλῖμαξ· τοῦτο δὲ τὸ σχῆμα ἐπὶ Ἡρακλέους ἀκουστέον. 521 ἦν δὲ τοῦτο ἐπὶ Ἀχελῴου· οἱ γὰρ ταῦροι τοῖς κέρασι καὶ μετώποις μάχονται. 523 ὁ δʼ ἡ Δηιάνειρα. 526 ἐγὼ δὲ μάτηρ μέν: ἐγώ, φησίν, ἐνδιαθέτως ὡσεὶ μήτηρ λέγω.