θεοδωρήτου ἐπισκόπου κύρου ἑρμηνεία εἰς τὸν προφήτην δανιήλ, τόμος ι

καὶ προσέθετο φησί καὶ ἥψατό μου ὡς ὅρασις ἀνθρώπου καὶ ἐνίσχυσέ με καὶ εἶπέ μοι· μὴ φοβοῦ, ἄνερ ἐπιθυμιῶν, εἰρήνη σοι, ἀνδρίζου καὶ ἴσχυε. ἀντὶ τοῦ μηδὲν ἀγωνιάσῃς· οὐ γὰρ ἐπὶ λύμῃ σου παρεγενόμην, ἀλλ’ ὥστε γνωρίσαι σοι, ἃ μαθεῖν ἐπεθύμησας· τὸ δέος τοίνυν ἀπορρίψας ἀνδρίζου, καὶ ἴσχυε. καὶ τῷ λόγῳ τὸ ἔργον ἐπηκολούθησε.