θεοδωρήτου ἐπισκόπου κύρου ἑρμηνεία εἰς τὸν προφήτην δανιήλ, λόγος τρίτος

διὰ ἀβραάμ, φησί ,τὸν ἠγαπημένον ὑπὸ σοῦ καὶ διὰ ἰσαὰκ τὸνδοῦλόν σου καὶ ἰσραὴλ τὸν ἅγιόν σου, οἷς ἐλάλησαςαὐτοῖς λέγων πληθυνῶ τὸ σπέρμα ὑμῶν ὡσεὶ τὰ ἄστρα τοῦ οὐρανοῦ καὶ ὡς τὴν ἄμμον τὴν παρὰ τὸ χεῖλος τῆς θαλάσσης. ταῦτα, φησίν, ἐκείνοις ὑπέσχου δέσποτα οὓς ἠγάπησάς τε καὶ ἀοιδίμουςἐποίησας, ὥστε τῇ ψάμμῳ μὲν κατὰ τὸν ἀριθμὸν παραβάλλεσθαι τὸ γένος· τοῖς δὲ ἄστρασι παραπλησίως εἶναι λαμπρόν τε καὶ ὑψηλὸν καὶ περιφανές. εἶτα ἐκ παραλλήλου ταῖς ἐπαγγελίαις τὰ πράγματα τίθησιν .