θεοδωρήτου ἐπισκόπου κύρου ἑρμηνεία εἰς τὸν προφήτην δανιήλ, τόμος τέταρτος

ἐνύπνιον φησὶν εἶδον καὶ ἐφοβέρισέ με καὶ ἐθαύμασα ἐπὶ τούτοις πᾶσι καὶ ἐταράχθην ἐπὶ τῆς κοίτης μου καὶ αἱ ὁράσεις τῆς κεφαλῆς μου συνετάραξάν με. ἐν τοσαύτῃ γὰρ ὑπάρχων εὐημερίᾳ, καὶ ὄναρ εἶδον λυπηρόν, καὶ ἐξεδειματώθην μὲν σφόδρα τῇ θεωρίᾳ τοῦ ἐνυπνίου ἐταρασόμην δὲ πλέον τὰ διὰ τούτου σημαινόμενα κατιδεῖν οὐ δυνάμενος· οὗ χάριν τοὺς ταῦτα δυναμένους ἑρμηνεύειν συνεκάλεσα.