Liber II., λβ΄. Περὶ ὁρφανίας πατέρων.

Ἄρης μετὰ Ἡλίου τετράγωνος κρόνῳ ὀρφανίαν ποιοῦσι. Κρόνος καὶ Ἄρης Ἑρμῇ συσχηματισθέντες ὡσαύτως Διὸς μὴ ἐπιθεωροῦντος ὀρφανοὶ γονέων γίνονται. Κρόνος μετὰ Διὸς δύνων ὀρφανοὺς ποιεῖ, Σελήνη διφυεῖ ζῳδίῳ οὖσα καὶ ὑπὸ Διὸς μαρτυρηθεῖσα ποιεῖ ἀπάτορας. ἐὰν δὲ Ἀφροδίτη ὡροσκοπῇ, Σελήνη δὲ ὑπόγειος ἢ Ἄρεως οἴκῳ καὶ ὁ Ζεὺς ἰδίου οἴκου καταμαρτυρῇ, ἀπάτορας ποιήσει.